Monday, April 19, 2010

સુરતમાં urFUN design


તમે ઘણી વખત રોડની બાજુમાં લાંબો સમય પડી રહેતા કોન્ક્રીટના મોટા-મોટા સ્ટ્રોમ વોટર સિસ્ટમના (વરસાદી પાણીના નિકાલ માટેના) ભૂંગળા જોયા હશે. આ ભૂંગળા જોઇને શું વિચાર આવે? મ્યુનીસીપાલીટીનું  બાકી રહેલું કામ, કોઈકની આળસ કે બેદરકારી, 'શહેરનો વિકાસ થઇ રહ્યો છે તેથી થોડું તો ભોગવવું પડે' વગેરે વગેરે. આ કોન્ક્રીટના અજગરો આમ પથરાઈને પડી રહેવાને લીધે આખા રસ્તામાં ચાલવાની મજા મરી જાય છે. એક રસ્તો છે કે આ ભૂંગળાના અહીં પડી રહેવાના લીધે પડતી હાલાકી વિષે મ્યુનીસીપલ કોર્પોરેશનમાં અરજી કરી શકાય, ચોરે ને ચોતરે તેના વિષે વાતો કરી શકાય, છાપામાં ચર્ચા પત્ર કે પછી તંત્રીને પત્ર લખી શકાય કે પછી આજ કોન્ક્રીટના અજગરનો ઉપયોગ કરીને થોડી સર્જનાત્મકતાનું મિશ્રણ એમાં ઉમેરીને તેને રસપ્રદ બનાવી શકાય.  સુરતના અમુક યુવાન મિત્રોએ વિચાર્યું કે જો આ ભૂંગળા અહી પડી જ રહેવાના હોય તો પછી તેને સમસ્યા તરીકે જોવા કરતા જો તેને શક્યતા તરીકે જોવામાં આવે તો પછી આ જગ્યાએ થી પસાર થવાનો આખો અનુભવ જ બદલાઈ જાય. સુરતનું આ મિત્રો નવા-સવા આર્કીટેક્ટ છે અને દુનિયા જોઇને પોતાના શહેરમાં પાછા ફર્યા છે. તેમનામાં અલગ જ પ્રકારની એનર્જી છે અને પોતાના શહેર માટે 'કંઇક' કરવાની ભાવના.

આ મિત્રોએ આ સમસ્યાને એક ડીઝાઇન પ્રોજેક્ટ બનાવી દીધો અને તેને નામ આપ્યું urFUN design. (અર્બન ડીઝાઇન તે સ્થાપત્યના શિક્ષણનો એક ભાગ છે જેમાં શહેરને લગતા મુદ્દાઓ અંગેની ડીઝાઈન આવરી લેવામાં આવે છે.) તેમણે જોયું કે આ ભૂંગળાના સરસ  પડછાયા આખો દિવસ રોડ પર પડે છે અને જો આ પડછાયાને રંગબેરંગી બનાવી દઈએ તો? આ એક નાનકડો સ્કેચ તૈયાર કરવામાં આવ્યો અને એક રજાના દિવસે બધાએ ભેગા થઈને આ પ્રોજેક્ટને વાસ્તવિક સ્વરૂપ આપી દીધું. આપ નીચેના ફોટામાં આ પ્રોજેક્ટ અને તેનું અમલીકરણ જોઈ શકશો. ફોટો કર્ટસી: મીતુલ દેસાઈ અને મિત્રો.


આવા નાના ઉપાયો અને વિચારોમાં આપણા શહેરોને સુંદર બનાવી દેવાની કેવી શક્તિ હોય છે. સુરતના આ મિત્રોએ જે પણ નાનું સરખું કામ કર્યું છે તે તેમનો અલગ મિજાજ દર્શાવે છે. સમસ્યા એ સમસ્યા નથી પણ કંઇક નવું કરવાની તક છે. બસ જોઈએ થોડું નવું વિચારવાની દ્રષ્ટિ અને થોડી સર્જનાત્મકતા. આ અંગે ઈ મેઈલ કરવા માટે મીતુલનો આભાર. ભવિષ્યમાં આવા જ પ્રોજેક્ટ્સ કરતા રહે તે માટે સૌને ઓલ ધ બેસ્ટ!
urFUN designers: Mitul, Tejas, Hemali, Jigna, Sohel, Vipul and other friends. Sorry, I don't know everyone's names! 

16 comments:

  1. Saheb Thank you for this post

    UrFun Designers
    Harsh, Kunal, Hansal, Vipul, Aakash, Hemali, Sohel, Tejas, Ejaz ane bija thoda......

    ReplyDelete
  2. Thanks for the names, Mitul! You have a great gang in Surat now. Hope to hear about more of 'urFUN'... all the best!

    ReplyDelete
  3. its beautiful... good work guys... superb!!!

    ReplyDelete
  4. nice wok.. back with a bang...

    ReplyDelete
  5. jordar ane sakhatt jamavat !!!

    ReplyDelete
  6. good one. congrates to the creators & the writer

    ReplyDelete
  7. really nice!you should capture ppl's responses as well-asin how they come-see-and react- to promote further...jordar che....

    ReplyDelete
  8. love the concept and admire the work ,but couldnt understand script

    ReplyDelete
  9. thank you sir for posting it and project it to larger platform across different people & places.. ...this gives all of us great encouragement and enthusiasm !!! :)

    ReplyDelete
  10. વાહ વાહ ભાઈ! મિતુલ અને team ને અભિનંદન. સરસ Fun :)

    ReplyDelete
  11. ગજબ...

    ReplyDelete
  12. Really wonderful!

    Beautifully written article!

    Keep posting the blogs!

    Warm Regards,
    Kuldeep Laheru
    'Abhiyan',Ahmedabad
    9408488966, 9374423339

    ReplyDelete